مالک مکان کے ہاتھوں کرائے دار کا قتل، لاش کے ساتھ بہیمانہ سلوک

نئی دہلی : بھارت میں مالک مکان نے اپنے کرائے دار کو قتل کرکے لاش کے ٹکڑے کرکے مختلف مقامات پر پھینک دیئےم پولیس نے ملزم کودو ماہ بعد گرفتار کرکے مقدمہ درج کرلیا۔

بھارتی میڈیا کی رپورٹ کے مطابق یہ ہولناک واقعہ بھارتی ریاست اتر پردیش میں غازی آباد کے علاقے مودی نگر میں پیش آیا، مقتول انکیت نامی شخص ملزم امیش کا کرائے دار تھا۔

مقتول نے اپنے والدین کی موت کے بعد اپنی زمین ایک کروڑ روپے میں بیچی تھی، جس میں سے اس نے تقریباً 40لاکھ روپے امیش کو کاروبار کی غرض سے دیے تھے جسے ملزم واپس کرنے کی پوزیشن میں نہیں تھا۔

ملزم نے انکیت کی رقم کی واپس ادائیگی سے بچنے کے لیے 6 اکتوبر کو انکیت کو قتل کرنے کا منصوبہ بنایا، انکیت کھوکھر کو گلا دبا کر قتل کیا گیا۔

انکیت نے بھگت پور میں اپنا آبائی گھر فروخت کرکے یہ رقم اپنے بینک اکاﺅنٹ میں رکھی ہوئی تھی، ملزم نے انکیت کی لاش کے ٹکڑے کرکے شہر کے مختلف علاقوں اور مضافاتی جنگل میں پھینک دیئے۔

انکیت کے دوست اس کے اچانک لاپتہ ہوجانے پر فکرمند ہوئے اور پولیس کو مطلع کیا، پولیس نے تحقیقات شروع کیں تو مشکوک جانتے ہوئے ملزم کو گرفتارکرکے تفتیش کی۔ دوران تفتیش ملزم نے جرم کا اعتراف کرلیا۔

ملزم کی نشاندہی پر پولیس لاش کے متعدد ٹکڑے بازیاب کرچکی ہے۔ رپورٹ کے مطابق انکیت یونیورسٹی آف لکھنؤ سے پی ایچ ڈی کر رہا تھا اور چند سال قبل اپنے ماں باپ کے انتقال کے بعد سے اکیلا رہ رہا تھا۔

Read Also:  Fire Department Scam Alert: Fake Spokesperson Threatens Fake Inspections

Recent Articles

Related News

Leave A Reply

Please enter your comment!
Please enter your name here